سلام عليكم ورحمة الله تعالي وبركاته،جبت ليكم وحد أكلة لذيذة ودغيا كطيب ولي هي البايلا ديال الروز ولكن ماشي ديال المقلة هي الكوكوت والمذاق اكثر من رائع غير جربوها مغديش تندمو عليها
المقادير:
2زلايف روز كلاسي،1 فلفلة خضرا،1 فلفلة حمرا،2 خيزوات،2مطيشات، جنوحات ديال دجاج،شوية زيت زيتون، الملح،إبزار،سكينجبر،خرقوم،تحميرة،ملون غذائي،م ص زبدة،شوية جلبانة،شوية اللوبيا خضرا،2 ضروس ديال ثومة ،3زلايف ديال الماء(نفس زلافة لي عبرنا بيها الروز)
أولا نخدو الكوكوت نديرو فيها شوية ديال الزيت الزيتون وثومة محكوك وجنوحات
ونخلوهم يتقلاو مزيان
وضفت الفلفلة الخضرا والحمرا لي قطتعها طريفات صغار
وضفت خيزو حتى هو مقطع طريفات صغار
وزدت مطيشة مقطعة مربعات وجلبانة واللوبيا والعطرية ضامة البنة الدجاج والروزالماء ونسدو عليها ومن بعد متسفر كوكوت نخليوها الطيب 20 دقيقة
ليست هناك تعليقات:
إرسال تعليق