بسطيلة بالدجاج
- 3 بصلات مشحرين فشوية الزيت البلدية
- نحطو دجاجة كاملة مشرملة قبل بليلة مع البصلة باش تشحر حتى هي
- و نضيفو ربطة ديال الربيع و التوابل ثم نمرقو الطنجرة و نخليها حتى يطيب الدجاج
- ناخد الدجاجة و نزولولها العظام و نحتافظو باللحم و نفرتوه
- فهاد الاثناء تكون الطنجرة نشفات نضيفولها 5 البيضات و نحركو باش يطيب البيض و نخليوه حتى يبرد عاد نستعملوه باش ما تقطعش الورقة
- نشد رابعة ديال اللوز نصلقوه و نزولولو القشرة ثم نقليوه فالزيت
- و نهرمشوه ثم نضيفو ليه قرفة شوية سنيدة و معلقة كبيرة ديال ماء زهر
- ناخد صينية تدخل الفران و ندهنوها بالزبدةو نفرشو 5 الورقات و نخليهم خارجين من الجناب
- ثم نرشهم بالزبدة ذايبة و نفرشو واحدة اخرى الوسط
- عاد نضيف خليط البيض و البصلة
- انا فرشت ورقة اخرى فوق البيض باش ما يفزكش لي الدجاج
- رشيتها بالزبدة و درت فوقها الدجاج
- ثم اللوز مهرمش
- وغطيتهم بالجناب ديال 5 الورقات اللي كانو التحت ثم درت فالاخير ورقة و لمت بيها كلشي من الفوق و دهنتها بالزبدة
- حطيتها تطيب من التحت فالفران و دهنتها بصفر بيضة و طلعتها الفوق تحمر
ليست هناك تعليقات:
إرسال تعليق