الثلاثاء، 3 يناير 2012

مقلوبة الباذنجان العراقية

في طنجرة كتحمري بصلة مقطعة جوانح في نص كاس الزيت و تزيدي عليها البهارات التالية : هيل مطحون + هيل حب + قرنفل مطحون + كمون + قرفة + ابزار + ثوم + ملح
ثم تزيدي عليهم اللحم و كتقليهم مزيان
ثم كتزيدي عليهم الماء سخون و 2 معالق كبار معجون طماطم و تخليهم يغليو حتى يطيب اللحم
بينما يطيب اللحم كتقطعي بطاطا دوائر و دنجال شرائح و تقليهم فالزيت
كتستفيهم فالطنجرة من بعد ما تكوني درتي فيها شي 2 معالق كبار من المرقة
ثم كتضيفي فوقهم اللحم
كتصفي المرقة اللي طاب فيها اللحم و تاخذي منها القياس اللي طيبي فيه الروز
و قبل ما الروز ينشف 100 في 100 كتحايديه من فوق العافية و تزيديه فوق الدنجال و اللحم
و ترجعي الطنجرة على عافية مهيييييييييييييييلة حتى يكمل الروز طيابو و يتنفخ
عند التقديم كتجيبي طبسيل كبير و كتقلبي فيه الطنجرة و بالصحة والراحة

ليست هناك تعليقات:

إرسال تعليق